स्वामी विवेकानंद यांनी भारतीय संस्कृतीची विश्वधर्माच्या साच्यात लेणी कोरली : योगाचार्य प्रा. राज सिन्नरकर

स्वामी विवेकानंद  – युगपुरुष या विषयावर प्रा. सिन्नरकर बोलत होते. योग विद्याधाम (शिरपूर) यांच्यातर्फे या उपक्रमाचे आयोजन करण्यात आले होते. याप्रसंगी डाॅ. श्रीकांत वाडिले व वर्षा वाडिले उपस्थित होते.

   प्रा. सिन्नरकर यांनी स्वामी विवेकानंद यांची लहानपणापासूनची जडणघडण ते त्यांचे कार्य व्याख्यानातून मांडले. ते म्हणाले की, युगायुगातून कधीतरी हे महापुरूष जन्माला येतात. ते प्रत्यक्ष शिवाचा तेजस्वी अवतार आहेत. भारताची परिक्रमा, रामकृष्णांचा सहवास व प्राचीन ग्रंथांचा अभ्यास यातून स्वामी विवेकानंद घडले. त्यांनी कालिमातेकडे मागताना ज्ञान, भक्ती, वैराग्य, विवेक मागितला. त्यांच्या उत्तर आयुष्यातील मानवतेविषयी कळवळा, याची बिजे त्यांच्या लहानपणातच होती. स्वामी विवेकानंद म्हणत, संपूर्ण जगाला मोक्ष प्राप्त होत असेल तर मी हजार वेळा नरकात जायला तयार आहे. असा जग बदलवणारा माणूस स्वतः किती संकटे झेलतो हे अनुभवले पाहिजे.

                     आयोजक  – डाॅ. श्रीकांत वाडिले

     स्वामी विवेकानंद वाचून उपयोग नाही. ते अनुभवले पाहिजे. स्वामी विवेकानंद जगले पाहिजे. त्यांच्यासारखे एक पाऊल का होईना टाकले पाहिजे, असाही प्रा. सिन्नरकर यांनी सांगितले.
—