prof rajendra waman Common Illnesses and Yoga and Naturopathy: Arthritis

संधिवात

वय परत्वे सांध्याची झीज झाल्यामुळे विशेषतः जास्त वजन सहन करणारे शरीरातील कंबर, गुडघे व घोट्याचे सांधे सुजतात, दुखू लागतात. क्वचित एखादा गुडघ्याचा सांधा दुखू लागतो आणि संधीवातास सुरुवात होते. संधिवात,आमवात,अस्थिसंधीगत वात असे किरकोळ लक्षणे असे या आजाराचे प्रकार पडतात. संधिवात हा प्रौढावस्थेतील एक आजार आहे. उपचाराच्या दृष्टीकोनातून एक कठीण असा रोग मानला जातो.

लक्षणे

सर्व सांधे क्रमाक्रमाने दुखणे, सांध्यांना सूज येणे, सांध्याची हालचाल मंदावणे, सांधे व शरीर कडक होणे.

कारण

व्यायामाचा अभाव, सतत बैठे काम, वाढलेले वजन, अनियंत्रित आहार, पोट साफ न होणे, मानसिक ताण तणाव, नकारात्मक विचारसरणी, अतिप्रमाणात वेदनाशामक व इतर गोळ्या औषधे सेवन, अतिप्रमाणात धूम्रपान करणे इ. या व्यतिरिक्त पित्तप्रकृतीच्या व्यक्तीच्या शरीरात विजातीय पदार्थ जास्त जमा होऊन हे विजातीय पदार्थ हाडे व सांध्या कडे जाऊन आजारांच्या संपर्कात आल्याने सांध्यांमध्ये वेदना सुरू होतात व हा रोग मनुष्यास जडतो.