नाशिक : प्रतिनिधी
येथील लोकमान्य शिक्षणप्रसारक मंडळ या संस्थेचे उपाध्यक्ष उदय शेवतेकर यांची युथ राष्ट्रीय युवा शक्ती (दिल्ली) या संस्थेच्या महाराष्ट्र प्रदेश सचिवपदी नियुक्ती करण्यात आली आहे.
शेवतेकर हे सेवानिवृत्त प्राचार्य आहेत. त्यांचे सामाजिक व शैक्षणिक क्षेत्रात उल्लेखनीय कार्य आहे. निवृत्तीनंतरही ते सामाजिक व शैक्षणिक क्षेत्रात सतत कार्यरत आहेत. या कामाची दखल घेऊन युथ राष्ट्रीय युवा शक्ती (दिल्ली) या संस्थेने त्यांची महाराष्ट्र सचिवपदी नियुक्ती केली आहे. या नियुक्तीबद्दल लोकमान्य शिक्षण प्रसारक मंडळ, नाशिक या संस्थेचे विश्वस्त, संस्था संचलित सर्व शाळांचे मुख्याध्यापक, शिक्षक व शिक्षकेतर कर्मचारी, तसेच त्यांचे सहकारी, मित्रपरिवार यांनी त्यांचे अभिनंदन केले आहे.
—
