नाशिकमधील राज्यस्तरीय योगशिक्षक संमेलनासाठी विविध समित्या गठीत

नाशिक : प्रतिनिधी
महाराष्ट्र योगशिक्षक संघ आयोजित पहिले राज्यस्तरीय योगशिक्षक संमेलन येथे १० व ११ डिसेंबरमध्ये होणार आहे. संमेलनाच्या तयारीला सुरवात झाली आहे. नियोजनासाठी वेगवेगळ्या समित्या गठित करण्यात आल्या आहेत. राष्ट्रसंत श्री जनार्दन स्वामी मठ, जनार्दन स्वामीनगर, तपोवन, पंचवटी येथे हे संमेलन होईल. गुरुवर्य मणिभाई देसाई हे नाव व्यासपीठाला देण्यात येणार आहे.
राज्य व स्थानिक नियोजन समिती तयार करण्यात आली आहे. योग शिक्षक संमेलनाची आढावा बैठक नुकतीच झाली. यावेळी संमेलनाचे अध्यक्ष योगाचार्य अशोक पाटील यांनी विविध समित्यांना मार्गदर्शन केले. प्रसारमाध्यम, भोजन, निवास व्यवस्था, पार्किंग, वैद्यकीय, सुरक्षा आदी विविध समित्या गठित करण्यात आल्या.

या समित्यांमध्ये राज्य नियोजन समितीचे अध्यक्ष राहुल येवला, जिल्हा नियोजन समितीच्या अध्यक्षा डॉ. प्रज्ञा पाटील, समन्वयक जिल्हाध्यक्ष यू. के. अहिरे, जिल्हा नियोजन समिती उपाध्यक्ष तथा राज्य ग्रामीण प्रकोष्ठ प्रभारी डॉ. तस्मिना शेख, प्रसाद कुलकर्णी, दत्ता कुलकर्णी, प्रा. सदानंद वाली, अंजली देशपांडे, पलक उपाध्याय, गोपाळ गोसावी, चंद्रकांत अवचार, दिनेश भुतेकर, कृणाल महाजन, जगदीश सोनी, जिल्हा नियोजन समिती सदस्य तथा राज्य ग्रामीण प्रकोष्ठ प्रभारी डॉ. तस्मिना शेख, गीता कुलकर्णी, जीवराम गावले, किशोर भंडारी, वैशाली रामपूरकर, संजय रामपूरकर, शर्मिला डोंगरे, सीमा क्षीरसागर-ठाकरे, कल्पना पवार, विठ्ठल पवार, अनुष्का खळदकर, अर्चना दिघे, भारती सोनवणे, डॉ. अंजली भालेराव, मंदार भागवत, माया बुरकूल, भाग्यश्री ससे, दिलीप राजगुरू,कविता कुलथे, अश्विनी येवला, विजय सोनवणे आदींचा समावेश आहे.

संमेलनात दोन दिवस चालणार असून, तज्ञांचे व्याख्याने होणार आहेत. तसेच योगासन व निबंध स्पर्धा घेण्यात येणार आहे. शोध निबंध, लेख व जाहिराती व योगविषयी व साहित्याचा समावेश आहे. कार्यक्रमाची स्मरणिका करण्यात येणार आहे. या बैठकीत डाॅ. विनोद भट व डॉ. प्रीती त्रिवेदी यांनी संमेलनाला देणगी दिली आहे.