नाशिक, (वा.)
अश्विननगर, सिडको येथील यूडब्लूसीईसी शाळेत पहिल्या दिवसाची सुरुवात मोठ्या उत्साहात झाली. विद्यार्थ्यांचे स्वागत करण्यासाठी शिक्षकांनी त्यांची वर्ग खोली आणि पॅसेज सजविला होता. तसेच शाळा सुशोभित केली होती. विद्यार्थ्यांनी त्यांच्या आवडत्या गाण्यांच्या तालावर नृत्य केले.
कोरोना काळात विद्यार्थ्यांनी शाळेत जाण्याचा आनंद गमावला होता. परंतु 2022-23 च्या नवीन सत्रामध्ये पुन्हा एकदा सर्व विद्यार्थ्यांनी त्यांच्या शालेय जीवनाचा आनंद लुटण्याला नव्याने सुरुवात केली आहे. विद्यार्थ्यांसाठी सेल्फी पॉइंट ठेवण्यात आला होता. विद्यार्थी व पालक त्याचे क्षणचित्र टिपण्यात दंग झाले होते. वर्गात विद्यार्थ्यांना चॉकलेट देण्यात आले. एक प्रास्ताविक सत्र होते, जेथे विद्यार्थी आणि शिक्षकांनी स्वतःची ओळख करून दिली. विद्यार्थ्यांच्या विरंगुळ्यासाठी विविध उपक्रम राबवण्यात आले होते. विद्यार्थी त्याचा मनमुराद आनंद लुटला.
—
