प्राकृतिक चिकित्सेच्या परीसाने विनाऔषध आजार बरे होऊ शकतात : प्रा. राज सिन्नरकर 

       इंटरनॅशनल नॅचरोपॅथी ऑर्गनायझेशनतर्फे आंतरराष्ट्रीय प्राकृतिक चिकित्सा दिनानिमित्त धम्मगिरी सामाजिक, सांस्कृतिक संस्था संचलित, धम्मगिरी योग महाविद्यालय येथे या चिकित्सेविषयी माहिती देण्यात आली. याप्रसंगी प्रा. सिन्नरकर बोलत होते.

    प्रा. सिन्नरकर म्हणाले की,  मी औषधाशिवायही विकारमुक्त होऊ शकतो…हा अनमोल सिध्दांत केवळ प्राकृतिक चिकित्साच मानवात रुजवु शकते… `मिट्टी, पाणी, धूप, हवा – सब रोगो की यही दवा’ हा प्राकृतिक चिकित्सेचा मूलभूत सिद्धांत आहे. प्राचीन ऋषींनी हजारो वर्षांपूर्वी हा प्राकृतिक चिकित्सेचा परीस आपल्या हाती दिला आहे, त्यामुळे किरकोळ आजारांपासून ते जुनाट आजारांपर्यंत प्राकृतिक चिकित्सा मनुष्याला विकारमुक्त करू शकते, अर्थात मनुष्याला विकारमुक्त करण्यापेक्षा त्याला आरोग्यसंपन्न करणे,त्याला विकार मुक्त , आनंदी जीवन जगता येईल अशी जीवनशैली विकसित करणे हेच खरे प्राकृतिक चिकित्सेचे ध्येय आहे.

           प्रा. सिन्नरकर म्हणाले की, पंचमहाभूतांपासून माझे शरीर बनलेले आहे, या शरीराला विकारमुक्तही पंचमहाभूतेच  करतील, या चिकित्सेने साध्या विकारांपासून ते गंभीर , जुनाट विकारांच्या व्यक्तीही विकारमुक्त होऊ शकतात. उपवास, लंघन उपचार ही आकाश तत्व चिकित्सा आहे. त्याने असंख्य ..विकार बरे होऊ शकतात,शरीरात साठलेले विजातीय द्रव्ये जवळच्या मार्गाने, निरनिराळ्या पद्धती बाहेर काढणे, हेच विकार मुक्तीचे खरे रहस्य आहे, असे त्यांनी सांगितले.

ही चिकित्सा पद्धती आपण सर्वजण..`हट टू हट’ व `हर्ट टू हर्ट’ पोहचवु, हेच प्राचीन भारतीय ऋषींचे खरे तर्पण आहे, असेही ते म्हणाले.

—

        प्रा. सिन्नरकर म्हणाले,  प्राचीन ऋषींनी उभी केलेली ही चिकित्सा हजारो वर्षे भारतात चालली. यानंतर काही कारणांनी ती लुप्त झाली. कोरोना महामारीत दोन काळेकुट्ट वर्षे जगाच्या डोक्यावरून निघून गेली आणि मानवतेला हादरे बसावेत, असे अनेक प्रसंग  संपूर्ण जगातच निर्माण झाले. ही प्राकृतिक चिकित्साच आपल्याला अशा संकटांमधून बाहेर काढू शकते, अशी संशोधने अनेक तज्ज्ञांनी प्रसिद्ध केलेली आहेत. पुन्हा 18 व्या शतकापासून या प्राकृतिक चिकित्सेवर जर्मनीत काम सुरू झाले. अनेक शास्त्रज्ञांनी अक्षरशः पशु-पक्ष्यांची निरीक्षणे करून या चिकित्सेला पुनर्जन्म दिला आहे.

—