प्रा. बाजीराव शिरोळे यांना पीएचडी पदवी प्रदान

       डॉ.बाजीराव शिरोळे यांनी  डेटा कॉम्प्युटिंग इन क्लाऊड कॉम्प्युटिंग एन्व्हायर्मेंट या विषयावर सखोल संशोधन करून ओरियंटल विद्यापीठ, इंदोर  येथे शोधप्रबंध सादर केला होता. विद्यापीठाच्या समितीने सदर शोधप्रबंध मान्य करत, प्रा.बाजीराव शिरोळे यांस पीएचडी पदवी प्रदान केली आहे  त्यांना ओरियंटल  विद्यापीठातील कॉम्प्युटर इंजिनिअरिंग विभागातील डॉ. एल. के. विश्वामित्र यांचे प्रमुख मार्गदर्शक म्हणून विशेष योगदान लाभले.

         आज संपूर्ण जगात, डेटा सुरक्षा आणि स्टोरेज मोठी समस्या आहे. या समस्यांमुळे ग्राहकांना संगणक प्रणालीशी संवाद साधणे कठीण होत आहे. त्याच बरोबर डेटा सुरक्षितता ही खूपच चिंतेची बाब आहे. ही गरज लक्षात घेता डॉ. बाजीराव शिरोळे यांनी डेटा एनक्रिप्शन धोरण लागू करून क्लाउडमधील डेटाचे संरक्षण करणे, तसेच क्लाऊडवरील डेटा एनक्रिप्शन करून सुरक्षितपणे संचयित कारण्याठी सक्षम प्रणाली, तसेच तंत्र  या प्रकल्पात प्रस्तावित केले आहे. राष्ट्रीय सुरक्षेच्यादृष्टीने विचार करता हे महत्वाचे पाऊल असून त्यांच्या संशोधनाला खूपच  महत्व प्राप्त झाले आहे. या प्रकल्पामुळे  डेटा ट्रान्सपोर्ट आणि स्टोरेज सुरक्षित राहणार आहे. त्यामुळे सर्वस्तराहून त्यांचे कौतुक होत आहे.