धम्मगिरी योग महाविद्यालयात योगशास्त्र अभ्यासक्रमांना सुरवात; विद्यार्थ्यांचे गुलाबपुष्प देऊन स्वागत

   प्रा. सिन्नरकर म्हणाले की, संस्कृती म्हणजे मानवाचे जीवन समृद्ध करणारी विचारधारा होय. जगात 48 संस्कृती आल्या व गेल्या. भारतीय संस्कृतीवर अनेक परकीय आक्रमणे झाली. त्या काळात आपली ग्रंथालये पेटवली गेली व 95 लाखांहून अधिक अनमोल पुस्तके जळून खाक झाली. तरीही, आपले जीवन समृद्ध करणारी भारतीय संस्कृती सातत्याने पुनर्जीवित होत राहिली. सनातन भारतीय संस्कृती टिकून राहिली.

योगाने दृष्टिकोन विकसित
आपल्या जीवनात घडणाऱ्या घटनांवर आपले नियंत्रण नसते. त्याचा आपल्यावर चांगला किंवा वाईट परिणाम होत असतो. मात्र, या घटनांकडे आपण कसे बघतो, हे महत्त्वाचे आहे. म्हणजेच योग्य दृष्टिकोन हवा. योगविद्येच्या सहाय्याने हा दृष्टिकोन विकसित होऊन त्याचे चांगले परिणाम आपण अनुभवू शकतो. यातून जीवन सुंदरच आहे हे समजते, असेही प्रतिपादन प्रा. सिन्नरकर यांनी व्यक्त केले.